其實,做每件事背後總有某樣野作為你既動力,去令到你去做呢件事。
好似,你返工既動力為左賺錢。你買野既動力為左令自己開心。去旅行既動力為左散心... 而家再對住個電腦,認真去寫bolg既動力,竟然係,我唔想做呢份工。
拿...唔好話我八十後淨係識呻辛苦呀!我已經做超過左四年,係有資格去評論一下,自己切身處地既工作位置啦掛? 呢份工當初係hea做,冇打算做咁耐,都冇打算會有發圍既一天。
但人做得越耐,就會靜極思動。
希望能夠有一番作為or貢獻?!我唔知...但就算一個人極不思進取,都希望自己崗位上會有所不同。
我呢個位,做左四年有多,仍然冇得升...職位title仍然低微。
究竟係因為我學歷低,定係我工作態度怠慢,而令到我無進升機會? 一些陰謀論,我不太懂得分析,也別叫我去分析。
我原以為我可以簡簡單單做個平凡人過一輩子便算。
但平凡人也不代表人工不足夠養起數年後便六十歲的母親呀! 我係孝順唔係愚孝,女養阿媽天經地義... 但當你份人工,連天經地義都講唔上既時候,你仲點講孝心?
我現在處於失去工作動力的位置...再度迷失於茫茫人海之中。如何能夠重新定位? 這是我快將27歲的生日功課。
